Mihangyo si Atty. Manases Carpio, asawa ni Vice President Sara Duterte ngadto sa korte nga kanselahon ang subpoena nga nagmando sa pagkuha sa iyang income tax returns ug uban pang rekord.
Sumala sa mga report, misumite si Carpio og petisyon sa Regional Trial Court sa Quezon City aron mapugngan ang House Committee on Justice sa pagpatuman sa maong subpoena.Gipangayo usab niya ang pagpagawas og temporary restraining order (TRO) aron dili mapadayon ang implementasyon sa subpoena nga gipagawas niadtong Marso 31, 2026.
Sa iyang petisyon, giingon ni Carpio nga ang income tax returns usa ka pribado ug sensitibong dokumento nga protektado sa balaod, ug ang pagpagawas niini mahimong paglapas sa katungod sa pribasiya.Ang subpoena gipagawas isip kabahin sa imbestigasyon nga may kalabotan sa impeachment complaints batok kang Sara Duterte.
Sa kasamtangan, padayon pang gihulat ang desisyon sa korte kung aprobahan ba ang hangyo ni Carpio nga ipahunong o ipawagtang ang maong subpoena.
