DAVAO CITY – Nagpakanaug na og bag-ong quarantine classification ang Malacañang sa mga lugar sa nasud.
Subay sa pag anunsyo ni Press Secretary Trixie Cruz-Angeles, sagad sa mga lugar sa nasud lakip na ang National Capital Region ang pabiling gipailawom sa Alert Level 1 gikan August 1 hangtud 15, kini subay sa desisyon sa Department of Health (DOH) taliwa sa pagsaka sa kaso sa COVID-19.
Sa Davao Region, ang Davao City ug Davao Oriental ang gipailalom sa Alert Level 1.
Samtang Alert Level 2 usab ang ubang bahin sa rehiyon onse sama na lamang sa Davao del Norte, Davao del Sur, Davao de Oro ug Davao Occidental.
Sumala sa Malacañang, ang bag-ong COVID-19 classifications sa nasud magpabilin hangtud sa sunod nga pag-anunsyo sa new classifications.
Padayon usab nga gi review sa DOH ang COVID-19 Alert Level System sa nasud.
Sa monitoring, mukabat sa kapin kun kulang usa ka libo nga Omicron subvariants ang na-detect sa otoridad.
Hinoon pabiling low risk ang nasud sa COVID-19 samtang NCR anaa sa moderate risk.
Via || MEL VALLEDOR
