Lokal nga panggamhanan sa dakbayan sa Davao naka-cremate na og 49 ka mga pasyente nga namatay gumikan sa COVID-19

DAVAO CITY – Gibutyag ni Davao City Mayor Inday Sara Duterte-Carpio nga naka-cremate na ang lokal nga panggamhanan ug 49 ka mga pasyente nga namatay tungod sa  Corona virus disease (Covid-19).

Nagsugod sumala pa kini kaniadtong Abril 15 ning kasamtangan nga tuig ug aduna pay 13 ka pending.

Kini sumala pa ang rason nga mas naningkamut pa ang dakbayan nga pangitaon kadtong posible nga natakdan ug virus kini aron nga mapugngan ang pagsaka sa mga mamatay tungod sa Covid-19.

Kahinumduman nga una ng gibutyag sa Mayor nga kung masayran nga natakdan ang usa ka tawo sa covid-19 gumikan kay nagsuroy-suroy kini atol sa pagpatuman sa Enhanced Community Quarantine (ECQ), dili bayran sa gobyerno ang tanan nga galastuhon niini.