Nagbangutan ang mga supporters sa tibuok kalibutan human mipanaw ang batikang mang-aawit nga si Peabo Bryson, nga naila sa paghatag kinabuhi sa pipila ka Disney theme songs ug mga klasikong love duets, sa edad nga 75. Sumala pa, mibaha ang pahasubo ug mga paghinumdom gikan sa mga fans ug kaubang musikero nga mipadayag sa ilang pasalamat sa dakong kontribusyon ni Bryson sa industriya sa musika.
Gikumpirma sa iyang pamilya nga siya namatay niadtong Martes, Hunyo 2, 2026 (US Eastern Time) sa Marietta, Georgia. Dugang pa niini, miagi siya og stroke niadtong miaging Domingo ug gihatagan dayon og medikal nga pag-atiman, hangtod nga siya malinawon nga mipahulay kauban ang iyang pamilya ug suod nga mga paryente.
Magpabilin nga buhi sa kasingkasing ug hunahuna ang iyang kabilin sa industriya sa musika, lakip na ang mga klasikong awit sama sa “Beauty and the Beast” ug “A Whole New World,” nga gihigugma sa nagkalain-laing henerasyon. Bisan pa sa iyang pagpanaw, giingon nga ang iyang musika magpabilin nga dakong kabilin sa industriya ug magpadayon nga mabuhi sa kasaysayan sa global music scene.
