2,520 ka Empleyado sa Probinsyal nga Gobyerno, gipa-ilawom sa Mandatory Drug Test sa Davao de Oro

Mokabat sa 2,520 ka mga empleyado sa probinsyal nga panggamhanan ang gipailawom sa mandatory drug testing kaganihang buntag.Lakip usab sa gipailawom sa drug test ang Davao De Oro Provincial Hospital sa Montevista.Nasayran nga ang maong kalihukan gipangunahan sa Provincial Anti-Drug Abuse Council (PADAC) ug Provincial Health Office (PHO).

Ang maong aktibidad nahisubay sa RA 9165 o Comprehensive Dangerous Drugs Act of 2002 ug Civil Service Commission (CSC) Memorandum Circular No. 13, s-2017 nga nagaseguro sa “drug-free workplace” alang sa epektibo ug episyente nga pagpanerbisyo sa mga trabahante sa gobyerno. Sa pagkakaron, wala pa’y gipaguwa nga resulta kabahin sa surprise drug test.