Gibawi na sa Philippine Contractors Accreditation Board (PCAB) ang lisensya sa siyam ka kompanya nga gipanag-iyahan sa flood control projects contractor nga si Sara Discaya.
Apil niini ang mosunod nga mga kompanya:St. Matthew General Contractor & Development Corporation, Great Pacific Builders And General Contractor, Inc., YPR General Contractor And Construction Supply, Inc., Waymaker OPC, Elite General Contractor And Development Corp., St. Gerrard Construction Gen. Contractor & Dev’t Corporation, Alpha & Omega Gen. Contractor & Dev’t Corporation, St. Timothy Construction Corporation, Amethyst Horizon Builders And Gen. Contractor & Dev’t Corp.
Sumala sa resolusyon nga gipagawas sa PCAB, ang pagpadayon sa akreditasyon sa maong mga kompanya makadaut sa interes sa publiko, sa integridad sa industriya, ug sa transparency sa pagpamalit sa kagamhanan.
Ang pag-angkon ni Discaya sa Senate hearing nga siya ang tag-iya sa siyam ka kompanyang nipartisipar sa bidding sa mga proyekto sa gobyerno, nagpakita nga duna kini impluwensya sa resulta sa public bidding, nga mahimong manipulahon ang resulta ug makababag sa mga proyekto sa gobyerno.
