Gibanabana nang kapin 200 ka tawo ang namatay human sa magnitude 7.4 nga linog sa Colombia samtang padayon ang halapad nga rescue operations sa mga labing apektadong lugar.
Base sa official data sa United Nations humanitarian office OCHA niadtong Lunes sa gabii, 126 ang kumpirmadong patay ug 1,495 ang nasamdan. Hinuon, giingon sa local authorities niadtong Martes nga posibleng misaka na sa 224 ang death toll.
Magdamag nga nangita og mga survivor ang rescue teams gamit ang cranes ug excavators, ilabina sa mga lugar nga adunay nangatumpag nga mga building.
Halos 5,000 ka balay ang nadaot, samtang grabeng naapektuhan ang Cali ug Pereira. Sa usa ka ospital sa Cali, nangatumpag ang pipila ka palapag, hinungdan nga gipagawas sa kadalanan ang daghang pasyente.
Unom ka airport usab ang temporaryong gisira, samtang adunay mga dalan nga dili maagian.
Nagpadala na og pagkaon, tubig, medical supplies ug evacuation equipment ang humanitarian agencies, samtang naglaan usab og tabang ang Estados Unidos ug Inter-American Development Bank. | VIA BOMBO EROS PAJOTA
