DAVAO CITY – Patay ang usa ka hamtong nga lalaki human nga mipakita sumala pa ug pagsukol sa mga otoridad pasado alas nueve ang takna kagabii sa Barayco, Brgy. 5-A, Bangkerohan, partikular ilawom sa tulay sa Bangkerohan.
Natigayon ang panghitabo human adunay usa ka nagpakabana sa maong dapit nga adunay usa ka armadong lalaki ang anaa sa lugar. Gilayon kini nga mireport sa mga otoridad sa San Pedro PNP.
Gilayon sab nga nagpahigayon ug follow-up operation ang mga operatiba sa San Pedro PNP sa maong lugar, ug nakita sumala pa sa mag otoridad ang suspek ug sa dihang gisita kini diha na sumala pa kini mibunot sa iyang armas, apan paspas sab sumala pa nga nakabantay ang mga miresponding pulis ug napusilan ang suspek.
Human sa maong panghitabo, dali sab nga gidala sa SPMC ang napusilan nga suspek apan gideklara kini sa Doktor nga Dead on Arrival.
Sa pagpanubay sa Bombo Radyo kagabii sa nahitabuan, sumala sa mga tao sa palibot nga usa ka Ian Avila ang napatay sa mga otoridad nga gibana-banaan nga anaa sa 20-25 anyos ang pangidaron.
Samtang sa ekslusibong pakighinabi sa mga otoridad, nasuta nga naay ilegal nga gikalambigitan ang suspek sa ilang area of responsibility.
Sa pagresponde sa SOCO narekober sa Crime Scene ang .38 revolver, mga bala ug adunay tulo ka mga putos sa gituohang pinauga nga dahon sa Marijuana sa iyang sling bag nga gipanag-iyahan sa suspetsado.
Sa pagkakaron anaa ang patay nga lawas sa suspek sa morgue sa Southern Philippines Medical Center.
via || Bombo DF
