DAVAO CITY – Pasakahan na og kaso sa Toril Police Station ang usa ka 36 anyos nga lalaki nga nakuhaan og P300,000 nga kantidad sa illegal nga droga.
Una ng nagpahigayon og buy bust operation ang mga personahe sa Toril PNP kaabag ang PDEA XI sa B16 L4, Rosalina Village 1, Brgy. Bago Gallera, Puan ning dakbayan sa Davao nga miresulta sa pagkasikop sa suspek nga si RYAN PIYAO ATAMOSA alyas “RYAN”(pusher), 36 anyos, minyo, self-employed ug residente sa B16 L4, Rosalina Village 1, Puan, Brgy. Bago Gallera, ning siyudad ug ARIEL VILLAROJO TANOCAN (buyer), 31 anyos, minyo, driver ug residente sa New Town, Brgy. Bago Gallera ning siyudad.
Atol sa buy bust operation, nagpaka-aron ingnon ang agent nga buyer bugti sa marked money nga PHP 1,000 ug usa ka pakete sa ginadili nga droga.
Tungod niini, diretso nga gisikop sa otoridad ang suspek.
Narekober sab sa posisyon niini ang 39 ka mga rectangular shape sa marijuana, usa ka itom nga pouch, usa ka unit sa itom nga cellphone, buy-bust marked money uban ang P500 bill nga bayad sa usa ka ARIEL VILLAROJO TANOCAN ug lain pang mga pakete sa illegal nga droga.
Mobalor sumala pa kini og kinatibuk-ang P300,000.
Ang nasikop nga mga suspek ang gipailalom karon sa Directorate of Intelligence (DI) watch list.
Temporaryo karon nga gikustodiya sa Toril Police Station ang mga dinakpan alang sa tukma nga disposisyon.
