DAVAO CITY – Balhug sa prisuhan ang usaka lalaki human nga gireklamo sa duha ka mga babaye gumikan sa pagbinastos ngadto kanila.
Giila ang suspect nga si Alyas Vin Jackol, samtang ang mga complainant ang gilangkuban sa usaka 47 anyos nga byuda ug ang lain pang usaka dalaga, kinsa mga nahimong susama nga biktima ni manyakis nga lalaki sa managlahing higayon.
Subay sa police blotter sa Sta Ana Police Station, niadtong Mayo 19, 2020 pasado alas 12 sa tungang gabii ang biktima nga 47 anyos nga dalaga nga si alyas Ate Shy natulog sa iyang kuwarto, kalit na lamang kining maka mata gumikan sa nadungog nga kasikas.
Sa dihang gisuta sa biktima, iyang nakita sa gawas sa iyang kuwarto si alyas Vin Jackol nga nagdula sa iyang kinatawo sa ngitngit nga bahin.
Gumikan sumala pa sa kalagot sa biktima iyang gibunalan ug bangko ang suspect hinungdan nga mikaratil kini sa pagdagan.
Samtang, laing 47 anyos usab nga byuda ang mireklamo batok kang alyas Vin Jackol human nahimong biktima usab sa ka manyak niini niadtong Mayo 21, 2020.
Sumala sa biktima nga si Ate Nene, usaka lab-asera, nga pasado alas 9 sa gabii sa dihang mipa-uli siya sa ilang balay gikan naninahapon sa pinoy-anan sa iyang ih-agaw iyang nakita ang suspect nga naa sulod sa ilang koral ug sa balkonahe nga bahin daw nagpaabot kaniya.
Wala sumala pa nyia kini gitagad ug dayong sulod sa iyang kuwarto, apan kalit nga misulod si Vin Jackol ug dayong hubo sa iyang purol, ug naggunit na sa iyang kinatawo atubangan sa biktima.
Tungod sa iyang tumang kahadlok, gituklod pagawas sa biktima ang suspect nga nakita usab sumala pa sa ilang silingan nga magtiayon.
Sa karon, mihatag na ang Barangay ug Certificate to file action batok sa suspek.
