DAVAO REGION- Andam matud pa ang mga miyembro sa Kingdom of Jesus Christ alang protektahan lamang ang Kingdom batok sa kinsa mang buot mosulong sa mao nga lugar.
Sumala kay KOJC Executive Secretary Eleanor Cardona nga dugay na nilang gipahinungod ang ilahang kinabuhi alang sa Kingdom of Jesus Christ.
Dugang pa niini nga dili gayud siya magduha-duha nga ipahinungod ang ilahang kinabuhi og kinahanglang nila nga barugan ug mulaban ang matud pa kapintasan, bakak ug pagpangdaot.
Ang maong pamahayag ang giluwatan sa maong indibidual human ang pamahayag ni Police Regional Office XI Regional Director, PBGen. Nicolas Torre III kalabot sa matud pa dakong pagtuo niini nga anaa lamang matud pa sa nagatago sa sulod sa kingdom ang ginapangitang si Pastor Apollo Quiboloy.
Kahinumdumang, nagkanayon si Gen. Torre nga dili nagahawa sa traynta ektarya nga compound ang maong pastor ug sigon pa niini nga ginagamit lamang sa Pastor ang mga miyembro isip sangga niini aron dili masudlan sa mga kapulisan ug kasundaluhan ang mao nga compound.
Dugang pa ni Torre nga mao usab kini ang hinungdan nganong nalisdan sila sa pagsilbi sa arrest warrant batok kay Pastor Quiboloy ug mga kaubanan niini.
Samtang gitawag usab ni Eleanor Cardona nga wala nahisubay sa balaod ang operasyon kaniadtong pag-sulong niadtong buwan sa Hulyo sa upat ka property sa KOJC.
Dugang pa niini nga aduna pa silay nadawatang bag-ong impormasyon kalabot sa planong pagsulong pag-usab sa mga personahe sulod sa kingdom.
Dugang pa niini nga mas daghan matud pa ang mosulong karong second wave ug plano matud pa sa kapulisan ug kasundaluhan nga magpabilin sulod sa maong kingdom sulod sa usa ka buwan.
