DAVAO CITY – Luyo sa kanunay nag pahimangno sa otoridad, daghanan pa gihapong mga indibidwal ang nasikop gumikan sa mga nagkadaiyang kalapasan sukad nga subling gibalik ang siyudad sa pagpailalom sa Modified Enhance Community Quarantine (MECQ).
Una ng gibutyag ni Police Col. Kirby John Kraft, director sa Davao City Police Office (DCPO) nga sa ilang ulahing datus gikan Hunyo 5 hangtud na Hunyo 28, mikabat sa kapin 25 mil na ang ilang nasikop.
Pipila sa mga indibidwal ang nadakpan human nga wala nagsuot ug faceshield ang anaa sa 8,112; wala nagsuot ug facemask anaa sa 6,632 samtang anaa sab sa 5,494 ang wala mitamud sa Mass gathering o social distancing.
Samtang mihatag sab ug katin-awan si Pol. Col. Kraft nga dili na sila magdugang pa ug mga control point sa dakbayan bisan nga gipagula ang bag-ong quarantine classification nga lugwayan ang MECQ sa dakbayan sugod sa Hulyo 1 hangtud na sa Hulyo 15 ning kasamtangan nga tuig.
