DAVAO CITY – Nakitaan ug dagkung pagsalig gikan sa mga Dabawenyo ang Police Regional Office 11.
Sumala sa survey nga gipagawas sa Mindanao Development Authority, nakaangkon ug trust rating nga 91% ang PRO 11, samtang 90% ang nakuha niini nga respect index, ug 92% safety index.
Matud pa sa MINDA, taas ang kumpyansa ug pagsalig sa mga Dabawenyo sa kapulisan sa natad-pangseguridad diri sa rehiyon.
Gipasalamatan ni PRO 11 Regional Director Benjamin Silo Jr. ang MINDA ug si MinDA Chairperson Secretary Mabel Sunga Acosta alang sa maong survey; ug ang katawhan sa ilang takus nga pagsalig ug pagsunod sa mga kamanduan sa kapulisan.
Busa ilang gipanumpa ang padayon nga pagpanerbisyo ug pagpanalipod sa katawhan ilawom sa ilang kampanyang MKK=K o Malasakit, Kaayusan, Kapayapaan tungo sa Kaunlaran ni PNP Chief General Rodolfo Azurin Jr.
via || Bombo LJ Florendo
