DAVAO CITY – Walay undang ang operasyon sa kapulisan batok sa mga indibidwal nga nalambigit sa ginadili nga druga. Kahinumduman nga kapin usa ka milyon ka pesos nga kantidad sa illegal drugs ang narekober sa mga sakop sa Toril PNP atol sa ilang gipahigayon nga operasyon sa Purok Tambancan, Brgy. Lizada, Toril ning dakbayan.
Giila ang mga dinakpan nga si alyas “JONG-JONG”, 43 anyos, walay trabaho, ug alyas “REMEDIOS” 34 anyos, overseas recruitment agent, susama nga residente sa Purok 1-A, Trading Boulevard.
Una ng napalitan ang mga nahisgutan ug usa ka pakete sa illegal nga drugs nga mitimbang ug 4.82 gramos.
Apan dihang gihiling ang mga nahisgutan, narekober sa ilang posisyon ang upat ka mga pakete sa shabu nga mutimbang 64.21 gramos ug nagkantidad ug P1.28 million.
Una ng nasayran nga si alyas Jongjong gikonsidera nga Top 4 samtang REMEDIOS ang top 9 Regional Level High Value Target sa kapulisan.
Susama nga gipaslak sa presohan ang dinakpan ug susama nga mag-atubang ug kasong paglapas sa Republic Act 9165 o ang Comprehensive Dangerous Drug Act of 2002.
Gikustodiya na sab ang mga narekober nga illegal nga druga nga magsilbing ebidensiya sa iduso nga reklamo.
