DAVAO CITY – Tanan sumala pa nga natigom sa mga multa ug penalties ilalom sa anti-smoking nga anaa sa kapin P4 million sulod sa walo ka bulan ang moderetso sa financial assistance sa Davao sa mga kabus nga residente ingon man sa public works projects.
Kahinumduman nga misaka na sa karon sa kinatibuk-ang P4,064,955 sa bulan lamang sa Agosto ning kasamgtangan nga tuig ang nakolekta o mas taas sa susama nga panahon sa milabay nga tuig.
Samtang ang ihap sa smoking violators nga nasikop sa Enero hangtud sa Agosto 2019 ang anaa sa 9,116 kung itandi sa 9,521 alang sa tuig 2018. Una ng gibutyag ni Davao City Mayor Sara Duterte-Carpio nga daghanan ang nasikop sa dakbayan sukad nga gipahugtan pa ang pagpatuman sa Anti-Smoking Campaign.
Sumala pa kang Vices Regulation Unit (VRU) secretariat Jalyn Pareja nga ang mga nakolekta nga mga multa ang makatabang sa mga programa sa siyudad ilabi na sa Lingap Para Sa Mahirap Center.
