DAVAO CITY- Mokabat sa P204,000 ang kantidad sa iligal nga droga kon shabu ang nakumpiska sa mga operatiba atol sa gilusad nga drug buybust operation.
Sa report gikan sa kapulisan giila ang mga dinakpan nga sila alias Jay,35-anyos, ulitawo, usa ka Real Estate Agent ug gikonsidera nga usa ka High Value Individual ug numero uno sa listahan sa kapulisan sa dakbayan nga residente sa Brgy. 19-B, JP Laurel Ave.,Sagrada V Bajada ning dakbayan sa Davao samtang dakpan sab ang kauban niini nga si “RAP-RAP” 31-annyos,ulitawo, usa ka Online virtual assistant nga residente sa Purok Sta Lucia South San Juan Brgy. Centro Agdao ning dakbayan sa Davao.
Gipahigayon ang operasyon sa Room 123 Kings field Motel, Gold St.,San Rafael Village, Brgy. 10-A ning dakbayan sa Davao.
Nakumpiska sa mga dinakpan ang 19 ka mga pakete sa iligal nga droga kon shabu nga adunay standard drug price nga mokabat sa Php 204,000.
Nakumpiska sab ang duha ka mga cellphone nga Iphone 11 ug Iphone 12, LTO Driver’s license nga nakapangalan sa usa ka Sherwin Jay MANIPES ug Phil health ID nga nakapangalan kang Ralph Mangat.
Samtang narekober sab ang usa ka sakyanan nga Toyota Vios nga gigamit sa mga nahisgutan sa nasampit nga transaksyon. Sa karon ang mga dinakpan ang anaa na sa kostudiya sa kapulisan ug pasakahan kini ug kaso karong adlawa nga pagsupak sa RA 9165.
