DAVAO REGION- Buot karon sa Bureau of Immigration (BI) nga makuha ang mga pangalan ug uban pang mga impormasyon sa dos sientos kapin ka mga giingon Chinese Nationals nga nagkuha sumala pa ug binuhat-buhat nga mga Birth Certificates sa Civil Registrar sa munisipalidad sa Sta. Cruz Davao Del Sur.
Kini ang ilahang hangyuon sa buhatan sa National Bureau of Investigation (NBI) eleven nga nga una na niining gikanayon nga adunay mga peke nga Birth sumala pa ang ilahang nadiskubrihan.
Sumala pa ni Immigration Commissioner nga Norman Tansingco, nga ilaha sab gustong makuha ang mga impormasyon gikan sa Philippine Statistics Authority (PSA) kabahin sa tanang mga Pilipino nga nakakuha ug late registration.
Ug pinaagi niini ilaha sumala pa nga maberepika ug kinahanglan nga masubay aron malikayan ang sayop nga paggamit sa passport sa Pilipinas.
Kahinumduman nga sa miaging semana, adunay usa ka 21-anyos nga batan-ong lalaki ang nasikop tungod sa peke nga Birth Certificate nga kini gikuha sa munisipalidad sa Sta.Cruz Davao Del Sur.
Nasayran nga niadtong 2018 pa hangtod 2019 nagsugod sa pagkuha ug late nga Birth Certificate.
Sa karon nagpadayon ang gihimong imbstigasyon sa NBA 11 kalabot niini.
Samtang padayon sab nga ginasubay karon sa NBI 11 ang kamatuoran sa gikaingon nga peke nga mga Birth Certificate nga gibayaran ug P300,000 ngadto na sa P500,000 sa fixers.
Sumala pa ni NBI 11- Regional Dir. Atty. Arcelito Albao atol sa press conferefnce kaganihang buntag nga partikular nga ilahang sutaon ang mga Birth Certificate nga gikan niadtong tuig 2016 hangtod sa 2021 nga miresulta sumala pa kini sa pagpaguwa sa 1200 ka mga nakumpiskang adunay peke nga mga impormasyon.
Samtang gipasalamatan sab ni Dir. Albao ang nahimong kooperasyon sa LGU sa Sta. Cruz sa ilahang gihimong imbistigasyon usab kabahin sa maong isyu.
