Gibarugan sa Office of the Solicitor General (OSG) nga dili mahimong gamiton ni Senador Ronald “Bato” Dela Rosa ang parliamentary immunity aron malikayan ang iyang pag-aresto.
Sumala sa OSG, ang parliamentary immunity magamit lamang sa mga kasong adunay silot nga dili molapas sa unom ka tuig nga pagkabilanggo.
Apan ang kasong crimes against humanity nga gilambigit kang Dela Rosa ubos sa International Criminal Court adunay bug-at nga silot sama sa tibuok kinabuhi nga pagkabilanggo.
Gibutyag usab sa OSG nga daw naglikay sumala pa si Dela Rosa sa mga awtoridad, busa dili siya mahimong mangayo dayon og tabang sa korte samtang wala siya sa hurisdiksyon niini.
Kahinumduman, nga niadtong Nobyembre, gibutyag sa Korte Suprema nga ang usa ka pugante kinahanglan una mosurender ayha pa nga makapangayo og judicial relief gikan sa korte.
