Gihatagan og ayuda ni Senador Christopher “Bong” Go, A.K.A Mr. Malasakit pinaagi sa iyang Malasakit Team ug sa pakigtambayayong sa lokal nga kagamhanan sa Davao City, ang 1,031 ka mga residente nga naapektuhan sa sunog sa nagkalainlaing barangay sa siyudad.
Gihimo ang relief activities kaniadtong Hulyo 15, 2026 sa Barangay 23-C, diin ang mga benepisyaryo nakadawat og snacks, bolpen, t-shirt, ug ang pipila usab nakadawat og sapatos ug relo.Sa iyang video message, gipasiugda ni Go ang kamahinungdanon sa padayon nga suporta sa gobyerno aron matabangan ang mga pamilya nga makabangon gikan sa kalamidad.
Gihisgutan usab sa senador ang Republic Act No. 11589 o ang Bureau of Fire Protection Modernization Act of 2021, nga nagtumong sa pagpalig-on sa kapasidad sa Bureau of Fire Protection (BFP) pinaagi sa modernong kagamitan ug mas maayong pagbansay sa mga personnel. Gipasalig usab ni Go ang iyang padayon nga suporta sa mga programang naghatag og ayuda ug serbisyong panglawas, lakip ang Malasakit Centers Program, aron mas mapadali ang pagtabang sa mga nanginahanglan.
