DAVAO CITY – Mas gipakusgan karon sa City Government of Davao pinaagi sa Davao City COVID-19 Task Force ang ilang kampanya alang sa pagpabakuna batok COVID-19.
Kini human sa gipagawas nga Executive Order No. 43 nga nagtugot sa boluntaryo nga pagsul-ob og facemask sa open spaces.
Luyo sa pagpaluag sa facemask protocol, nagpabilin lamang gihapon ang health sector sa syudad sa pagbantay ug pagpabilin sa hinugtanay nga kampanya niini labot sa minimum public health practices ug ang padayon nga pagpahigayon sa libre nga testing sa mga suspected cases ug mga close contact niini.
Gikanayon pa ni COVID-19 Task Force spokesperson Dr. Michelle Schlosser, angayan nga mamahimong mas ubos ang COVID-19 cases sa syudad ug labaw sa tanan, gikinahanglan nga wala nay makabsan pa sa kinabuhi gumikan sa gihatag nga kahigayunan nga pagbaton og daghanang pondo sa mga bakauna.
Apan dili gayud sumala pa kalikayan nga adunay matalang makabsan sa kinabuhi sanglit aduna gihapoy pipila ang nagpabiling mubalibad nga magpabakuna.
Niadto lamang nakalabay nga semana, gikareport sa syudad ang 436 ka mga new cases.
Hinoon, mas ubos kini sa 516 ka mga bag-ong kaso nga gikatala sa nauna pang mga semana.
Via || Bombo Angie Chagas
