Gikumpirma ni Gilas Pilipinas head coach Tim Cone nga makabalik na si Kai Sotto sa national team alang sa fourth window sa 2027 FIBA World Cup Asian Qualifiers.
Matod pa ni Cone, nakaapil na si Sotto sa ensayo sa Gilas niadtong Lunes ug gilauman nga dako ang iyang mahatag sa kampanya sa national team.
Dugang pa, kini ang unang higayon nga makaduwa pag-usab si Sotto alang sa Gilas sukad sa 2025 FIBA Asia Cup Qualifiers.
Wala siya nakaduwa sa national team human maangol ang anterior cruciate ligament kon ACL sa iyang wala nga tuhod niadtong Enero 2025.
Lakip usab sa gipaabot nga mobalik sa lineup si Justin Brownlee human sa iyang pagpaayo gikan sa injury.
Sa pagkakaron, adunay 10 ka adlaw ang Gilas Pilipinas aron mangandam sa umaabot nga mga duwa.
Atubangon sa Gilas ang Jordan sa Agosto 28, samtang Iran ang sunod nilang kontra sa Agosto 30, diin parehong ipahigayon ang mga duwa dinhi sa Pilipinas. | VIA BOMBO EROS PAJOTA
