Gikondena sa Japan ang pagbisita ni Russian President Vladimir Putin sa Iturup Island, nga gitawag sa Japan og Etorofu, usa sa upat ka isla sa Kuril chain nga giangkon sa Tokyo apan kontrolado sa Russia.
Matud ni Japanese Prime Minister Sanae Takaichi, dili madawat ang pagbisita ni Putin ug gikasakit kini sa mga Japanese.
Tungod niini, gipatawag sa Japanese Foreign Ministry ang Russian ambassador sa Tokyo aron ipahayag ang pormal nga protesta.
Gibarugan usab sa Russian Embassy nga sakop sa teritoryo sa Russia ang maong mga isla ug legal ang pagkasakop niini sa ilang nasud.
Ang upat ka isla gisakop sa Soviet Union pipila ka adlaw human misurender ang Japan sa World War II.
Hangtod karon, giangkon gihapon kini sa Japan ug ang territorial dispute maoy usa sa nag-unang hinungdan nganong wala pa makapirma og pormal nga peace treaty ang Japan ug Russia.
Mas misamot usab ang tensyon sa duha ka nasud human sa pag-atake sa Russia batok Ukraine kaniadtong 2022, diin miapil ang Japan sa pagpahamtang og sanctions batok sa Moscow.
