Misamot ang economic pressure sa Iran human miabot sa record low ang rial batok sa US dollar samtang nag-andam ang Washington sa mas hugot nga sanctions batok sa Tehran.
Matod sa mga report, miabot sa 2.02 milyon rial kada dolyar ang market rate, samtang gipaabot nga palapdan sa US ang secondary sanctions batok sa oil trade, banking ug ubang economic channels sa Iran.
Dugang pa, mitumaw ang kalainan sa baruganan sulod sa Iranian leadership human miingon si President Masoud Pezeshkian nga dili mahimong magpadayon hangtod sa hangtod ang gubat, samtang adunay ubang opisyal nga nagpabiling supak sa dialogue.
Sa laing bahin, miadto sa Tehran si Pakistan Army Chief Asim Munir aron hisgutan ang diplomatic efforts, samtang gipaabot usab ang pagbisita sa foreign minister sa Oman alang sa talks bahin sa Strait of Hormuz.
Sa pagkakaron, gipasidaan sa Iran nga silotan, detinahon kon kumpiskahon ang mga barkong molapas sa transit rules sa Hormuz. | VIA BOMBO EROS PAJOTA
