DAVAO CITY – Misaad ang Integrated Bar of the Philippines (IBP) Davao chapter nga mohatag og legal assistance sa mga frontliners nga biktima sa harassment ug diskriminasyon gumikan sa coronavirus disease (COVID-19).
Sumala kang IBP Davao president Atty Maceste Uy, apil sa ilang hatagan ug libre nga legal assistance ang kaso sa mga frontliners nga gipalayas sa ilang mga boarding houses o wala pagpasakay sa mga public transport vehicle gumikan sa kahadlok sa virus.
Una nang gipapha ni Southern Philippines Medical Center (SPMC) chief of clinics ug Health Emergency Management Bureau (HEMB) coordinator Dr. Ricardo Audan ang kahadlok sa publiko ug gipanigurong hugot nga gipatuman ang infection prevention and control measure sa mga healthcare workers.
Hugot sumala pang gipahinumduman ang mga sa pagsul-ob og insaktong personal protective equipment (PPE) ug ang kanunay nga paghugas og kamot aron malikayan ang kontaminasyon.
