Gibarugan ni International Criminal Court President Tomoko Akane nga dili angay buwagon ang ICC bisan pa sa sanctions nga gipahamtang sa United States batok kaniya ug sa pipila ka judges sa korte.
Matod ni Akane, dili sila mohunong sa ilang trabaho ug magpadayon ang ICC sa pagtuman sa mandato niini bisan pa sa pressure ug sanctions gikan sa Estados Unidos.
Bisan pa man niini, nakadawat gihapon ang korte og suporta gikan sa nagkalain-laing mga presidente ug prime ministers sa ubang nasud.
Gipasabot niini nga bisan ang ubang ICC judges naapil sa sanctions kaniadto, wala kini nakapahunong kanila sa pagpadayon sa ilang responsibilidad sulod sa korte.
Una nang gipahibalo ni US Secretary of State Marco Rubio ang pagpahamtang og sanctions batok kang Akane ug pipila ka ICC judges.
Nagtuo si Akane nga ang lakang sa Estados Unidos adunay kalabotan sa warrant of arrest nga gi-isyu sa ICC batok kang Israeli Prime Minister Benjamin Netanyahu kaniadtong Nobyembre 2024 sa mga alegasyon sa war crimes ug crimes against humanity.
Sa pagkakaron, nagpabiling lig-on ang posisyon sa ICC nga ipadayon ang operasyon ug judicial work niini bisan pa sa international pressure.
