Gibasura sa mga lider sa House quad committee ang pahayag ni Vice President Sara Duterte nga “political harassment” ang mga alegasyon batok sa iyang bana nga si Atty. Manases Carpio ug igsuon niini nga si Davao City 1st District Rep. Paolo “Pulong” Duterte, gumikan nagpabilin ang ilahang pokus sa pagbutyag sa kamatuoran ug dili pagdula sa politika.
Matod pa ni Abang Lingkod Rep. Joseph Stephen “Caraps” Paduano, chairman sa Committee on Public Accounts nga nahilakip sa quad commitee nga tumong lamang sa panel nga imbestigahan ang kalambigitan tali sa Philippine Offshore Gaming Operators, illegal drug trade, ug extrajudicial killings kaniadtong Duterte administration.
Dugang pa sa magbabalaod ang ilahang imbestigasyon ang makuti ug walay gipaburan ug dili usab nila tugutan ang bisan unsang pagkalangan nga mupawagtang sa ilahang pagpaningkamot.
Gitambagan na lamang niini ang mga Duterte nga tubagon ang mga alegasyon batok sa mga nahisgutan ug likayan ang mga divertionary tactics.
Samtang giklaro usab ni Santa Rosa City Rep. Dan Fernandez, Chairman sa Committee on Public Order and Safety, ang ilahang imbestigasyon ang walay target nga indibiduwal apan nahisubay ang mga nahisgutan sa mga ebidensya.
Samtang alang kang Surigao del Norte 2nd District Rep.
Robert Ace Barbers, walay lugar ang political harassment gumikan kay gihimo lamang nila ang ilahang trabaho.
Samtang gipahayag usab ni Manila 6th District Rep. Bienvenido “Benny” Abante Jr., chairman sa Committee on Human Rights, ang kasamtangang imbestigasyon mao ang pagseguro nga no one is above the law.
Gipahayag usab ni Antipolo 2nd District Rep. Romeo Acop, vice chair sa upat ka mga komite nga tumong sa imbestigasyon mao ang pagpakisayod sa kamatuoran ug walay panahon aron magdula ug politika.
