Giingong naa na sa 70% ang House prosecution panel sa pagpresentar sa “confidential funds article” o Article 1, nga naglangkob sa alegasyon sa giingong maanomalyang paggamit ni VP Sara sa iyang confidential ug intelligence funds.
Sumala kang panel spokesperson Rep. Renee Co, dakong bahin sa mga ebidensiya ug mga testigo nga sakop sa maong artikulo ang malampuson nang napresentar sa mga prosecutor.
Target sa panel nga mahuman ang pagpresentar sa maong artikulo sa adalawng Miyerkules, Setyembre 9, subay usab sa una nang manifestation sa prosekusyon.
Matod ni Rep. Co, nagkaklaro na ang tibuok hulagway kalabot sa giingong maanomalyang paggasto ni VP Sara sa iyang intelligence funds, nga matod nila klarong mahimong ikonsiderar nga betrayal of public trust, usa ka impeachable offense.
Sa dili pa hingpit nga mahuman ang maong article, gipasalig sa panel spokesperson nga mas mapalig-on pa ang argumento sa mga prosecutor pinaagi sa pagpresentar sa ubang mga personalidad nga lakip sa mga nag-unang adunay kahibalo sa paggamit sa mga opisina ni VP Sara sa iyang confidential funds.
Kahinumduman, pipila na ka dagkong personalidad ang gipresentar sa House panel atubangan sa impeachment court kalabot sa maong artikulo.
Lakip niini ang duha ka bank managers gikan sa usa ka state-owned bank, duha ka auditor gikan sa Commission on Audit, duha ka military officials, ug duha ka kanhing executive ubos kang VP Sara.
| via Bombo Ray Ann Martinez
