DAVAO CITY – Gibutyag sa usa ka opisyal sa Land Transportation Office (LTO)-Davao nga ang hangyo sa Davao City Council nga isuspende ang pagdili sa pagsakay sa likod sa mga pick-up truck o bisan unsa man nga pick-up type vehicles ang wala sumala pa gitugtan.
Kini tungod ang kaluwasan sumala pa sa mga pasahero ang gikonsidera niini.
Sumala pa kang LTO-Davao legal officer II Lawyer Loida Igdanes, padayon sumala pa ang ilang operasyon batok sa mga badlungon nga mga motorista nga dili motamud sa polisiya kalabot sa passenger capacity.
Gitataw sa nahisgutan nga ang ilang buhatan nakadawat na ug hangyo gikan sa City Council nga temporaryo una nga ihunong ang maong kamandoan ug amyendahan ang polisiya pinaagi sa pag-regulate ug dili kay did-an sa pagpasakay.
Hinuon gikanayon ni Igdanes nga ila na kining gisumite ngadto sa ilang central office apan sa kasamtangan wala pa sila nakadawat og tubag niini.
Kahinumduman nga kaniadtong Setyembre 18, nagpagula ang LTO central office og direktiba ngadto sa ilang regional directors nga istriktong ipatuman ang pagdili sa operasyon sa motor vehicles nga magpasakay og sobra nga pasahero sa gawas ilabi na kung alang lamang kini sa kargamentos.
Ang mga makalapas sa polisiya mamahimong pahamtangan og multa nga P2,000 ngadto na sa P3,000 ug pagsuspende sa certificate of public convenience alang sa overloading vehicles.
Kahinumduman nga ang nahisgutan nga polisiya nakaangkon og nagkadaiyang reaksiyon gikan sa mga motorista.
