Gibawi ni kanhing sundalo ug security aide ni kanhing Ako Bicol Party-list Rep. Zaldy Co ang iyang naunang testimonya nga nag-ingong naghatod siya og mga maleta sa kwarta ngadto sa balay ni kanhing House Speaker Martin Romualdez.
Matod pa ni Guteza, napugos lamang siya sa paghatag sa maong pahayag kapalit matod pa sa kwarta ug scholarship alang sa iyang mga anak.
Dugang pa, iyang giingon nga gipatawag siya sa usa ka Japanese restaurant duol sa Senado diin naghuwat ang giandam nga affidavit.
Lakip sa iyang alegasyon nga si Sen. Rodante Marcoleta ug kanhing AnaKalusugan Party-list Rep. Mike Defensor ang nalambigit sa pagpahikay sa maong pahayag, samtang usa ka “Mark” ang giingong naghimo sa draft.
Sumala pa ni Guteza, iyang nakita nga gi-review ug giusab ni Marcoleta ang affidavit sa wala pa ang hearing.
Sa pagkakaron, naghulat pa ang Office of the Ombudsman sa kopya sa bag-ong affidavit sa dili pa mohatag og komento, samtang gipaabot usab ang tubag sa mga personalidad nga gihisgutan sa iyang alegasyon. | VIA BOMBO EROS PAJOTA
