DAVAO CITY – Dakong tabang sumala pa ang kamugnaan sa Indigenous People Component aron nga mas mabantayan pa ang seguridad sa mga lumad batok sa mga grupo nga magmugna ug kagubot sama na lamang sa mga rebeldeng grupo.
Una ng gipahigayon ang aktibidad sa Bagani Hall Camp Quintin Mericido sa Camp Catitipan ning siyudad. Sakop sa IP component ang mga nagkadaiyang miyembro sa mga tribu nga mangunay pagbantay sa ilang komunidad.
Ang kamugnaan niini suportado sa lokal nga kagamhanan ingon man sa National Commission on Indigenous People (NCIP).
Sumala pa kang Police Brig. General Felmore Escobal, Police Regional Office director, mas maayong mga lumad ang miyembro sa grupo gumikan kay sila ang nakasabot sa sitwasyon sa ilang lugar.
Kahinumduman nga sagad mga lumad ang mabiktima sa mga rebelde ilabi na nga sa mga hilit kini nga lugar nanimuyo diin naglihok usab ang mga NPA.
