DAVAO CITY – Gikumpirma sa Department of Health Davao Region (DOH-Davao) nga adunay duruha ka patients under investigation (PUIs) sa rehiyon nga gikatahapang adunay coronavirus disease (Covid-19) ang namatay.
Apan wala pa mihatag ang ahensiya ug dugang detalye sa duruha ka mga biktima sa Davao Region.
Sa kasamtangan, gihulat pa gihapon nila ang resulta niini gikan sa Research Institute for Tropical Medicine (RITM).
Subay sa ulahing update sa DOH-Davao, ang ihap sa mga patients under investigation (PUI) ang misaka ngadto sa 61 diin 28 niini ang naka-admit samtang 31 ang na-discharge human nga nag-negatibo.
Samtang ang mga persons under monitoring (PUM) ang misaka sab ngadto sa 2,396 diin 217 niini ang cleared samtang 2,178 ang padayon nga gi-obserbahan.
Sa pikas nga bahin, gibutyag ni Ricardo Audan, SPMC Chief of Clinics and Health Emergency Management Bureau coordinator, nga miabot na sa siyudad ang Covid-19 testing kits.
Pinaagi niini, dali na lamang nga masayran kung ang PUIs, mga naka-admit sa isolation facility ug intensive care unit, ang positibo o negatibo sa highly infectious disease
