Gisuportahan ni Senate President Sherwin “Win” Gatchalian ang planong Pax Silica Industrial Hub, apan gibutyag nga kinahanglan una matubag ang pipila ka kondisyon sa dili pa kini hingpit nga ipatuman.
Atol sa Senate hearing, giingon ni Gatchalian nga adunay mga risgo nga kauban sa dako nga proyekto, mao nga kinahanglan masiguro nga mapanalipdan ang interes sa nasud ug ang mga komunidad nga posibleng maapektuhan.Lakip sa iyang gipunting ang pagpanalipod sa katungod sa mga residente sa Tarlac, diin planong tukoron ang maong industrial hub.
Gikinahanglan usab matud pa ang igo ug lig-on nga suplay sa tubig ug kuryente para sa operasyon sa proyekto.Gipasiugda usab ni Gatchalian ang technology transfer aron dili lamang mga langyaw nga kompanya ang makabenepisyo, kondili makakat-on usab ang mga Pilipino og mas taas nga lebel sa technical skills.
Hinuon, adunay environmental groups nga misupak sa proyekto tungod sa kabalaka sa epekto niini sa kalikupan ug posibleng displacement sa mga residente. Matud ni Gatchalian, kinahanglan timbangon pag-ayo ang benepisyo ug risgo sa proyekto sa dili pa kini padayonon.
