Gibarugan sa Estados Unidos nga abli gihapon ang Strait of Hormuz, sukwahi sa pahibalo sa Iran nga gisira na ang maong importante nga agianan sa dagat taliwala sa nagpadayon nga tensiyon ug pagbinombahay sa duha ka panig.
Misamot ang panagbangi sa miaging semana human giingon sa Estados Unidos nga nakapuntirya kini sa kapin 140 ka target sa Iran. Giingong tubag kini sa mga aksyon sa pwersa sa Iran batok sa mga barkong moagi sa Strait of Hormuz nga gigamit kuno ang dili awtorisadong ruta.
Kahinumdoman nga kaniadtong Domingo, Hulyo 12, 2026 gipugos sa Iran ang pagkontrolar sa maong agianan ug mipahibalo nga sirado kini hangtod sa pagpagawas og dugang pahibalo.
Gilusad usab sa Islamic Revolutionary Guard Corps (IRGC) sa Iran ang halapad nga pag-atake batok sa mga military base sa Estados Unidos. Samtang ang United Arab Emirates, Qatar, Kuwait, Oman, ug Bahrain mipahibalo nga ilang gitubag ang missile ug drone strikes gikan sa Iran.
Bisan pa sa bag-ong serye sa mga pag-atake, nagkanayon si US President Donald Trump nga ipadayon gihapon ang dayalogo ug paningkamotan sa mga mediator ang proseso sa kalinaw.
