DAVAO CITY – Gipasabot ni Davao City Mayor Inday Sara Duterte –Carpio nga ipailalom una sa hugtanon nga assessment ang usa ka establisyemento ayha ipatuman ang pag-lockdown niini ilabi na kung adunay mga empleyado nga natakdan ug Covid-19.
Una ng nanawagan ang Mayor sa mga nanag-iya ug establisyemento nga i-report ang status sa ilang opisina kini human nga kadaghanan sa mga natalang kaso karon sa dakbayan ang mga nanarbaho sa mga sarado nga gambalay.
Sa higayon nga aduna sumala pay empleyado nga nag-positibo sa virus, mas maayo sumala pa nga magpatuman gilayon ug alternatibong work arrangement ngadto sa mga trabahante niini aron masiguro nga makapadayon pa gihapon ang ilang operasyon ug masiguro nga dili sab matakdan ang uban niini.
Gi-awhag sab sa Mayor ang mga empleyado nga ipahibalo gilayon ngadto sa mga district health offices ang mga buhatan nga magmagahi sa pagpatuman ug sakto nga mga sumbanan sa health protocols kini aron nga mapatuman gilayon ang lockdown.
