Nakuha sa England ang ikatulong puwesto sa FIFA World Cup 2026 human gipildi ang France, 6-4, sa bronze final o third-place playoff.
Nahimong usa kini sa labing daghang goal nga nahitabong dula alang sa third-place match sa kasaysayan sa World Cup.
Nanguna ang England sa first half pinaagi sa mga goal nila Declan Rice, Ezri Konsa ug hat-trick ni Bukayo Saka, samtang misulay og apas ang France sa ikaduhang bahin pinaagi sa duha ka goal ni Kylian Mbappe ug usa ni Bradley Barcola.
Bisan sa kusog nga pagbalos sa France, giselyohan sa England ang kadaugan pinaagi sa dugang nga goal ni Jude Bellingham sa injury time.
Sa laing bahin, nabungkag ni Mbappe ang World Cup scoring record ni Lionel Messi ug nanguna usab siya sa Golden Boot race nga adunay 10 ka goal.
Mag-atbangay na usab ang Spain ug Argentina ugma alang sa championship round, diin pagailhan ang mahimong bag-ong kampeon sa FIFA World Cup 2026. Gilauman nga mosaksi ang milyon-milyong mga fans sa maong final, nga gilauman usab nga mahimong usa sa labing kulbahinam nga duwa sa torneyo.
