DAVAO CITY – Gumikan kay namatikdan na ang kalinaw sa pipila ka bahin sa Davao region, girekomenda na karon sa Eastern Mindanao command ang pagtapos sa Martial law sa mga lugar nga sakop sa ilang Area of Responsibility (AOR).
Sumala pa kang Lt. Gen. Felimon Santos, commander sa Eastern-Mindanao Command nga nasumite na niya ang maong rekomendasyon sa national headquarters sa Armed Forces of the Philippines (AFP).
Pagpamatuod sumala pa niini ang daghanang ihap sa mga rebelde nga mitahan na sa ilang area of responsibility (AOR).
Kahinumduman nga una ng gibutyag ni Mayor Sara Duterte-Carpio nga irekomenda na niya nga dili na ilakip ang Davao sa Martial law gumikan kay usa kini sa mga concern sa mga investors nga planong mobubo sa ilang puhunan sa siyudad.
