DAVAO CITY – Balhug sa San Pedro Police Station ang duha ka mga lalaki nga nasakpan sa gilusad nga buy-bust operation sa hut-ong sa kapolisan.
Naila ang mga dinakpan nga sila si James Ramirez Roa, baynte tres anyos, usa ka tigpamintura, lumad sa Nueva Era, Bunawan, Agusan del Sur, temporaryo nga nagsaka sa Purok 2, Barangay 76-A, Bucana, ning dakbayan sa Davao.
Ang nahisgutan nga dinakpan giila nga top four level sa tala-an sa Davao City Police Office sa mga suspet5sado nga nagapalusot ug mga illegal nga druga.
Dakpan sab ang usa ka Bong-Bong Laraga Ambulong, 31 anyos, ulitawo ug residente sa Purok 2, Bukana, Barangay 76-A, ning dakbayan sa Davao human nga namaligya ug illegal nga druga sa nagpaka-aron ingnon nga mamaligya-ay ug illegal nga druga.
Alas 10:00 kagahapon sa buntag ang nahisgutan nga mga dinakpan mitunol ug usa ka pakete sa shabu bugti sa kantidad nga kinyentos ka pesos nga buy bust money sa mga nagpaka-aron-ingnon nga mupalit ug illegal nga druga.
Dinhi na gidakop si James Ramirez Roa.
Samtang ang usa ka Dondon Laraga Ampolong nanghagad nga ibaligya sab niya ang dala niya nga illegal nga druga, hinongdan nga gidakop sab kini sa kapolisan.
Nakuha gikan kaniya ang druga nga nagkantidad ug usa ka libo ka pesos.
Ang mga nasakmit nga mga druga gikan sa duha gikustodiya na sa San Pedro PNP.
Gihikay na ang kasong kalapasan sa Republic Act 9165 o comprehensive dangerous drug act of 2002.
