DAVAO CITY – Gibutyag ni Davao City Water District (DCWD) deputy spokesperson Jovana Cresta Duhaylungsod nga gihulat pa nila karun ang pag-apruba sa sugyhot nga 60 percent water rate increase gikan sa Local Water Utilities Administration (LWUA).
Subli nga gibutyag sa ahensiya nga ang ipatuman nga pagsaka sa bayrunon sa tubig ang himuon kini pinaagi sa tulo ka tranches, diin 30 percent karung 2022, 20 percent sa 2023, ug laing 10 percent sa 2024.
Sumala pa kang Duhaylungsod nga mitambong na sila sa public hearing nga kabahin sumala pa sa mga rekisitos sa ilang regulating agency, nga Local Water Utilities Administration.
Misumite na sab sumala pa sila ug lain pa nga mga rekisitos nga gikinahanglan ingon man uban pa nga mga documentary requirements.
Gani nagpadayon pa sab karon ang gihimong pag-review sa proposed water rate ug wala pa sab masayri nga aprubado kini ug dili.
Gipasabot ni Duhaylungsod nga ang sugyot nga 60 percent increase dakung tabang aron nga mapundohan pa ang mga DCWD projects sa musunod nga 10 ka tuug ug magpadayon ang ilang matag adlaw nga operasyon.
Kabahin sab sumala pa sa development plan sa DCWD mao ang pagserbisyo sa kapin 20 pa ka mga Barangay sa siyudad nga walay supply sa tubig.
Nasayran sab nga wala sila nakadawat ug subsidiya gikan sa Government Owned and Controlled Corporation (GOCC) ingon man sa national o local governments hinungdan nga nag-agad lamang sila sa bill payments nga ilang nadawat gikan sa mga customers arun nga pundohan ang matag adlaw nila nga operasyon ug expansion.
Sa kasamtangan ang unang 10 cubic meter (cu.m) commodity charge sa DCWD ang anaa sa P137.30. Sa higayon nga maaprubahan ang ilang sugyot, mamahimo na nga musaka kini ngadto sa P178.50 karung tuiga, P214.20 sa 2023, ug P235.60 sa 2024.
