Gi-aresto ang 48 ka mga indibidwal human sa gihimong entrapment operation batok sa usa ka online scam hub sa Parañaque City niadtong Abril 17, 2026.
Sumala pa sa National Bureau of Investigation – Special Action Unit (NBI-SAU), ang operasyon gitumong batok sa grupo nga gituohang nagpadagan og iligal nga online scam activities.Lakip sa ilang modus, giingon nga naglakip kini sa “love scamming activities,” “pig butchering,” ug “cryptocurrency investment fraud,” subay sa impormasyon nga nadawat sa mga otoridad.
Dugang pa niini, gi-entrap sa NBI ang maong mga suspek human sa intelligence build-up operations, diin napamatud-an ang ilang kalambigitan sa online fraud schemes.Sa kasamtangan, ang 48 ka nadakpan ginaimbestigahan na ug ginaandam ang kasong ipasaka batok kanila subay sa balaod kontra cybercrime.
Sa pagkakaron, padayon ang pahimangno sa mga otoridad ngadto sa publiko nga magpabiling alerto batok sa online scams ug dili dayon motuo sa mga investment schemes nga walay klarong dokumento ug transaksyon.
