Gipahigayon sa “Care Beyond Reach” outreach program ang paghatag og serbisyo sa mga lumad sa Talaingod, Davao del Norte.
Ang tulo ka adlaw nga medical ug dental mission gipangulohan sa YWAM Ships Philippines kauban ang 1003rd Infantry (RAPTOR) Brigade sa 10th Infantry Division.
Target sa programa ang kapin 1,000 ka Indigenous Peoples (IP) gikan sa mga komunidad nga lisod maabot sa mga ahensya sa gobyerno. Naglakip kini og libre nga konsultasyon, dental services, medisina, food packs, hygiene kits, ug Bibles.
Ang Philippine Army, Philippine National Police, National Task Force to End Local Communist Armed Conflict, ug LGUs misuporta usab sa seguridad ug logistics.
Ang outreach program gisuportahan sa mga lokal nga lideres sa maong probinysa ug mga opisyal sa kasundaluhan sama ni BGEN Christopher M. Diaz ug MGEN Alvin V. Luzon. Gibutyag ni BGEN Diaz nga importante kini nga kalihukan sa paghatag og serbisyo sa geographically isolated and disadvantaged areas (GIDAs), ug sa pagpalig-on sa pagsalig sa gobyerno.
Ang programa natapos kagahapong adlawa isip simbolo sa panaghiusa, serbisyo, ug paghatag og pagtagad sa mga komunidad.
