School Calendar para sa School Year 2026-2027, gipagawas na

Gipagawas na sa Department of Education ang opisyal nga school calendar para sa School Year 2026-2027.

Sumala pa sa DepEd, magsugod ang klase sa Hunyo 8, 2026 ug matapos sa Abril 8, 2027.

Lakip sa maong kalendaryo ang pagpatuman sa three-semester system isip kabahin sa reporma sa edukasyon, nga tumong mao ang pagpalambo sa kalidad sa pagtudlo ug pagtubag sa mga kakulang sa learning gaps sa mga estudyante.

Dugang pa niini, subay sa nasangpit nga iskedyul, adunay total nga 201 ka adlaw sa klase nga pagabahinon sa tulo ka termino.

Sa kasamtangan, gilauman sa DepEd nga pinaagi sa maong bag-ong sistema mas mapalig-on ang pagkat-on ug mas matagaan og gibug-aton ang academic performance sa mga estudyante sa tibuok nasud.