Gipahibalo sa Department of Trade and Industry (DTI) nga kapin 60 porsyento sa mga eksport sa Pilipinas ang wala maapektuhan sa 12.5 porsyentong taripa sa Estados Unidos.
Sumala pa sa DTI, naluwas sa dugang nga taripa ang kadaghanan sa mga produktong gipadala sa Pilipinas ngadto sa merkado sa Estados Unidos ubos sa bag-ong trade arrangement. Dugang pa niini, gilauman nga magpabilin nga kompetitibo ang mga produktong Pilipino sa merkado sa Estados Unidos tungod kay dili sila maapektuhan sa dugang nga gasto nga dala sa maong taripa.
Lakip sa mga eksport nga sakop sa maong exemption ang nagkalain-laing produkto nga importante sa komersyo tali sa Pilipinas ug Estados Unidos. Matud pa sa DTI, padayon ang ilang koordinasyon aron masiguro ang kaayohan sa mga lokal nga negosyo ug mapanalipdan ang interes sa mga exporter sa nasud.
Sa kasamtangan, gibantayan sa ahensya ang epekto sa maong polisiya sa ubang produkto nga mahimong maapektuhan sa ipatuman nga taripa. Kahinumduman nga ang Estados Unidos usa sa pinakadakong merkado sa mga eksport sa Pilipinas, ilabi na sa mga produkto gikan sa manufacturing, electronics, ug uban pang sektor sa industriya.
