DAVAO CITY – Human ang deklarasyon sa state of calamity sa milabay nga semana sa pipila ka lugar sa Davao region nga nakasinate ug halapad nga baha, nagpatuman karun ang Department of Trade and Industry (DTI) Davao de Oro ug price freeze advisory sa nagkadaiya nila nga mga produkto.
Pipila sa mga produkto ang gilangkuban sa canned goods, processed milk, coffee, instant noodles, salt, detergent, toilet ug laundry soaps, bottled water, condiments, ug batteries.
Una ng nagdeklara ang Davao de Oro provincial government ug state of calamity human ang kadaut nga gihatud sa pagbaha ug landslides gumikan sa low pressure area (LPA) nga nakaapekto sa pipila ka mga areas sa Mindanao.
Gawas sa liboan ka mga pamilya mikabat sab sa P117.4 million nga kantidad sa commodities sama sa bugas, mais high-value crops, fisheries ingon man sa irrigation facilities.
Subay sa Rapid Damage Assessment And Needs Analysis sa Provincial Disaster Risk Reduction and Management Council (PDDRMC), ang daut nga kahimtang sa panahon ang hinungdan sa kasarangan ngadto na sa grabe nga pagbaha ingon man landslides nga nakaapekto sa 4,645 ka mga pamilya sa lungsod sa Monkayo, Nabunturan, Compostela, New Bataan, Mawab ug Montevista.
Tungod sab sa weather disturbance, anaa sa duruha ka mga indibidwal sa lungsod sa Compostela Valley ang gikatala nga nalumos samtang ang usa ang na-missing.
