Gipili ni Pangulong Ferdinand Marcos Jr. si Dr. Edwin Mercado isip bag-ong kalihim sa Department of Health o DOH, human mibakante sa posisyon si Jose “Brix” Pujalte Jr. nga mubo lamang ang paglingkod sa maong ahensya.
Sumala sa Malacañang, boluntaryong miluwat si Pujalte tungod sa iyang kahimtang sa panglawas, diin mikabat lamang og 28 ka adlaw ang iyang pagserbisyo isip DOH Secretary.
Sa wala pa siya itudlo sa DOH, si Mercado nagsilbi isip acting President ug Chief Executive Officer sa Philippine Health Insurance Corporation o PhilHealth. Gitudlo siya sa maong posisyon niadtong Pebrero 2025.
Usa ka board-certified ug U.S.-trained orthopedic surgeon si Mercado ug adunay kapin tulo ka dekada nga kasinatian sa healthcare leadership, hospital management ug pagpalig-on sa health systems.
Gilauman nga iyang tutokan ang pagpalig-on sa serbisyo panglawas, universal healthcare ug pagpa-access sa kalidad ug mas lig-on nga serbisyo medikal alang sa mga Pilipino.
Samtang, si Mercado puli sa iyang gibiyaan nga posisyon sa PhilHealth, diin gitudlo usab ni Marcos si Dr. Beverly Lorraine Ho isip bag-ong President ug CEO sa ahensya. | VIA BOMBO EROS PAJOTA
