DAVAO CITY – Mipasalig ang Department of Public Works and Highways (DPWH) First District Engineering Office nga paspasan ang restoration sa water supply sa Barangay Maglahus (Center) sa Cateel, Davao Oriental , nga apektado human nga nahugno ang bugtong tulay nga nagkutay kanila sentro sa lungsod tungod sa kusog nga pagbaha nga dala sa Low pressure Area niadtong Martes sa gabii.
Gikanayon ni District Engineer Cirilo Lasaca sa gipahigayong meeting kauban ang Provinical Disaster Risk reduction and Management Office Assustant Department Head nga si Francis Jason Bendulo nga mubalik ang water supply sa muabotay nga dominggo.
Samtang, kinahanglan kini og major groundworks sama sa pag-instalar sa mga suplay sa tubig, hose , ug uban pang koneksyon kinahanglan buhaton aron mapulihan ang mga karaang tubo sa tubig nga nahugno duol sa tulay.
Matud ni Engr. Lasaca,   nga unahon sa ilang team nga ang pagpabalik sa supply sa tubig sa labing dali nga panahon tungod kay ang tubig ang maoy numero unong panginahanglanon sa katawhan sa lugar.
Samtang, naghatag og suporta ang grupo gikan sa PDRRMO, Bureau of Fire Protection- Special Rescue Force (BFP-SRF), lokal nga kagamhanan sa Cateel, ug Provincial Social Welfare and Development pinaagi sa paghatag og mga foodpacks alang sa isolated village.Â
Kasamtangan , nagpahimutang na sab ang provincial government og mga solar lights sa apektadong barangay.
Gimandoan usab ni Governor Nelson Dayanghirang ang tanang hingtungdan nga ahensya sa pagpadali sa pagtabang sa mga barangay nga apektado.
