Nakahuman sa duha ka adlaw nga Social Development Program for Capacity Enhancement Training ang 34 ka project-affected persons sa Davao Public Transport Modernization Project niadtong Agosto 19 hangtod 20, 2026.
Gipahigayon sa City Government of Davao ang training aron maandam ang mga apektadong komunidad ug priority individuals sa padayong implementasyon sa DPTMP.
Matod sa pipila ka partisipante, nakatabang ang programa sa paghatag og praktikal nga kahibalo bahin sa pagnegosyo, pagdumala sa kwarta ug pagpangandam sa posibleng kausaban sa panginabuhian.
Dugang pa, mikabat na sa 6,279 ka project-affected persons ang nakadawat og training sa financial literacy ug employment facilitation.
Lakip sa tumong sa programa ang pagtabang sa mga apektadong indibidwal nga makapangandam samtang nagpadayon ang transport modernization.
Sa pagkakaron, padayon ang panawagan sa City Government ug DPTMP ngadto sa ubang priority individuals nga moapil sa susamang mga programa aron masiguro ang mas inklusibo ug hapsay nga transition ngadto sa modernong transport system.| VIA BOMBO EROS PAJOTA
