Giawhag sa Department of Health (DOH) ang mga biyahero ug ang mga mosalmot sa tinuig nga Visita Iglesia nga siguraduhon nga kompleto ang ilahang dala nga proteksyon ug medical supplies aron malikayan ang sakit karong Semana Santa.
Sa labing bag-ong advisory, hugot nga gipasidan-an ang publiko nga mag-andam sa posibleng epekto sa kadaghan sa tawo ug kahimtang sa panahon.
Girekomenda sa ahensya ang pagdala og igo nga tubig aron malikayan ang dehydration, ingon man payong ug personal nga mga tambal.
Dugang pa niini, gipasidan-an usab ang publiko nga magdala og snacks, dugang sinina, ug pamaypay o portable fan aron batukan ang init sa gawas.
Ang maong advisory gipagawas aron maseguro ang kaluwasan sa mga Pilipino nga gilauman nga modagsa sa mga simbahan ug terminal.
Isip dugang nga proteksyon batok sa mga makatakod nga sakit ug posibleng paak sa lamok, gibutyag sa DOH ang importansya sa pagdala og insect repellant, alcohol, ug face mask ilabi na sa mga pampublikong lugar nga daghang tawo.
Samtang, aron masiguro ang paspas nga responde sa mga emerhensiya, gipahinumduman pag-usab sa DOH ang publiko sa mga lakang pang-emerhensya.
