-- ADVERTISEMENT --
Nagpahimangno si Film Development Council of the Philippines (FDCP) chairman ug direktor nga si Jose Javier “Joey” Reyes sa padayong pagkalisod sa industriya sa pelikulang Pilipino, ilabina sa pagdani og suporta gikan sa lokal nga mga manan-aw.
Gibutyag kini ni Reyes atol sa pagpaila sa libro nga SINE • FILM • PELIKULA: The 100+ Greatest Movies of Philippine Cinema, diin iyang gipasiugda nga dili lamang ang presyo sa tiket ang hinungdan sa kalisdanan sa mga lokal nga pelikula.
Gipunting sa batikang direktor nga kinahanglan usab tan-awon ang panglantaw ug pagdawat sa mga Pilipino sa lokal nga mga pelikula, samtang anaa usab sa mga prodyuser ang responsibilidad nga makahimo og de-kalidad, bag-o ug takos tan-awon nga mga salida.
