DAVAO CITY – Gipangunahan sa Department of Interior and Local Government (DILG) 11 ang gipahigayong tulo ka adlaw nga advocacy campaign alang sa paghulip sa konstituyon sa nasod nga maoy dalan sa pagpatuman sa Pederalismo nga sistema sa gobyerno.
Kahinumduman nga gatusan nga mga sakop sa Sangguniang Kabataan (SK) ug mga opisyal sa Barangay ang mitambong sa tulo ka adlaw nga tigum nga gipahigayon sa usa ka hotel ning siyudad.
Sumala pa kang Edwin Mayorita, project officer sa DILG-11 wala pa gihapon sila nawad-an ug paglaom nga mapatuman ang usa sa mga pangandoy ni Pangulong Rodrigo Duterte nga mahulipan ang sistema sa panggamhanan sa nasod paingon ngadto sa Pederalismo.
Padayon sab sumala pa ang ilang himuon nga pagpasabot ngadto sa publiko nga adunay kaayohan ang Federal system ilabi na sa mga katawhan sa Mindanao.
