DAVAO CITY – Gisaulog sa Bureau of Fire Protection ang ilang ika-31 ka tuig nga anibersaryo kagahapon.
Sa nahimong kasaulogan diri sa Davao City, anaa ang ilang guest of honor nga si DILG Secretary Benhur Abalos Jr.
Sa iyang pamulong, gipasindunggan ni Abalos ang tinuod nga kabayanihan sa mga sakop sa BFP dili lang sa pagresponde atol sa sunog kon dili lakip na sa pagresponde panahon sa kalamidad ug ubang katalagman, lakip ang pagsagubang sa mga hagit dala sa nagpahinabong pandemya sa COVID 19.
Laraw karon sa sekretarya nga magtugod ug dugang dos syentos ka mga fire stations sa tibuok nasud ug gilauman sab ang pag-abot sa dugang pang mga ekipo isip kabahin sa modernization program sa buhatan.
Atol sa programa, gipasidunggan sab ang mga outstanding ug top performing fire stations sa tibuok nasud nga nag-una sa tibuok tuig niining pagpanerbisyo.
VIA || Bombo LJ Florendo
